अगष्ट २१, २०२२
जापानको फूकुओकामा क्रियाशील पुरानो सस्था फूकुओका नेपाल सोसाइटीको आयोजना तथा बिभिन्न संघ संस्थाको सह–आयोजनामा वितगका बर्ष जस्तै यसपाली पनि फुनेसो तीज धमाका २०२२आयोजना हुने भएको छ। बिगत २ बर्ष भने कोभिडको कारण प्रत्यक्ष कार्यक्रम हुन सकेको थिएन तर यसपाली भने नेपाल को ख्याती प्राप्त चर्चित कलाकारहरु गायक बद्रि पंगेनी, चर्चित गायक पशुपति शर्मा, चर्चित गायीका सम्झना भण्डारी र परदेशी गायकको नामले परिचित सुर्य खड्कालाइ निम्त्याउने भएको छ । उक्त कार्यक्रमका लागी नेपालबाट जापान आउने कलाकारको भिसा र टिकटको कार्य सकिएसंगै जापानमा पनि तयारी अन्तीम चरणमा पुगेको आयोजक संस्थाका प्रवत्ता तथा तिज धमाका २०२२ का संयोजक दिलेन्द्र जोसीले बताउनु भयो । यो संगै कलाकारहरु मध्ये पशुपति शर्मा हाल अस्टेलीयामा रही त्यहाबाट अगष्ट २३ र बद्री पंगेनी र संझना भण्डारी अगष्ट २५मा जापानको फुकुओका सहरमा आउने कार्यक्रम रहेको संस्थाका अध्यक्ष माधव सिग्देलले जानकारी दिनुभयो । साथै उक्त दिनका लागी टिकट बिक्री, स्वयमसेवक परिचालनका लागी स्वयमसेवकको चयन, जस्ता कार्य पनि अन्तीम चरणमा रहेको जानकारी दिनुभयो ।
