२०२२ अक्टोबर १५
फुकुओका,
म्हपुजा चन्द्रमानक नेपाल सम्वत् अनुसारको नयाँ वर्षको सुरुवात कछलाथ्व पारु (कार्तिक शुक्लपक्ष प्रतिपदा) तिथिका दिन नेवार समुदायले मनाउने पर्व हो ।नेवारी भाषामा एक अक्षरले बनेका शब्दहरुको बाहूल्यता पाइन्छ, म्ह को शाब्दीक अर्थ चाँही देह या शरीर भन्ने बुझाउँदछ र यस अर्थमा म्ह पूजाको अर्थ आफ्नो देहप्रतिको आदरयूक्त याचना हो । आजको दिन आत्मवोध गराउने अनि सजिवताको आभाष गराउने दिन पनि हो नेवारी भाषामा म्हं शब्दको प्रयोग र ईतिहास केलाउँदै जाने हो भने यसको प्रयोग उपसर्ग र प्रत्ययका रुपमा ब्यापक रुपमा वोलिचालीका वाक्याशंहरुमा प्रयोग भएको पाइन्छ । जस्तै छित म्ह फुला ? अर्थात तपाईलाई सञ्चै छ ?
म्ह फु अर्थात सञ्चै छ
म्ह मफु अर्थात् सञ्चो छैन
म्ह अर्थात देहवाचक अनि चेतना प्रदायक शब्द, चेतना नभएका अनि जड वस्तुहरुमा म्ह को प्रयोग हुँदैन । यसैचेतना अनि स्व-तत्वलाई उजागर गर्दै नेवार समुदायमा आज म्हपूजा मनाउने चलन रहेको छ । नेवारी समूदायमा आफ्नै शरीर भित्रको चेतना प्रदायक यस आत्मतत्व अनि परमात्मालाई पूजा गर्दै आजको दिन आफ्नै अभूतपूर्व शरीरको पूजा गरिन्छ । शरीरमा शान्ति नभइकन शान्ति नहुने विश्वास अनुरुप आजको दिन अष्ट चिरञ्जीवीको प्रतिक र अष्ट ऐश्वर्य झल्कने आकर्षक मण्डप बनाएर त्यसमा आत्मस्वरूप पूजा गरिन्छ र सोहि मण्डप माथि बिभिन्न खाद्यवस्तु राखेर आफैंले आफैंलाई खुवाईन्छ ।
त्यस्तै फुकुओकामा पनि वल्ड नेवा अर्गनाइजेसन क्युस्युको आयोजनामा लालटीन रेस्टुरेन्ट, इजिरिमा मिति २०२२ अक्टोबर २६ तारीक बुधबार बेलुकाको ७ बजे सामुहीक म्हपुजा गर्न लागेको वल्ड नेवा अर्गनाइजेसन क्युस्युका अध्यक्ष आशिष खड्कीले जानकारी दिनुभयो ।उक्तदीन डिनरमा नेवारी मण्डला सेट सहित प्रतीव्यक्ती ३५०० येन लिने कुरा पनि बताउनु भयो । यो भन्दा अन्य पनि अर्गनाइजेसनले विभीन्न कार्यक्रममा झाकी सहित सहभागी भै नेवार समुदायको पहिचानको रुपमा रहेको संस्कृतिलाई विदेशी भुमीबाटै भए पनि संरक्षण गरीराखेको पनि जानकारी दिनुभयो । प्रत्येक वर्ष आयोजना गर्दै आइरहेको कार्यक्रममा नेपाली समुदायका अन्य जातजातीका व्यक्तिहरु लगायत जापानीज नागरीकहरुको पनि उल्लेख्य रुपमा उपस्थीती रहने गरेको छ। साथै उक्त दिन सबैलाई उपस्थीतीका लागी निमन्त्रणा पनि गर्नुभयो ।
कार्यक्रम सफलताको शुभकामना