जापान
मार्च २३
म्याग्दी प्रवासी नेपाली संघ (मोना) जापान क्षेत्रीय समिति नागोयाले मोना नागोया खुल्ला ‘Speech Contest’ २०२५ कार्यक्रम गर्ने भएको छ ।
जापानमा रहेका नेपाली विद्यार्थीहरूलाई रचनात्मक क्रियाकलापमा सहभागी गराउँदै वीरगन्ज कृषि औजार कारखानाको सहयोगार्थ उक्त कार्यक्रम गर्न लागिएको कार्यक्रम संयोजक सागर थापा बगालेले जानकारी दिनु भयाे ।
स्माइल मोबाइल रेमिटान्स मुख्य प्रायोजक रहेको उक्त स्पिच कन्टेस्ट अर्थात् वक्तित्वकला प्रतियोगितामा सहभागी हुनका लागि खुल्ला छनोट प्रक्रिया पुरा गरि शीर्ष ५ मा परेका प्रतियोगीहरुलाई एक औपचारिक कार्यक्रममार्फत प्रतिश्पर्धा गराई पुरस्कार प्रदान गरिने संयोजक थापाले बताए ।
नागोयाको ओका काइकान मिटिङ हलमा हुने औपचारिक कार्यक्रममा प्रतियोगितामा प्रथम हुने विद्यार्थीलाई १ लाख जापानी येनसहित मायाको चिनो र प्रशंसा पत्र, द्वितीय हुने प्रतियोगीलाई ७० हजार जापानी येनसहित मायाको चिनो र प्रशंसा पत्र, तृतीय हुने प्रतियोगीलाई ५० हजार जापानी येनसहित मायाको चिनो र प्रशंसा पत्र प्रदान गरिने आयोजक मोना जापान क्षेत्रीय समितिले जनाएको छ भने उकृष्ट ५ मा पर्ने प्रतियोगीलाई मायाको चिनो प्रदान गरिने छ।
आफनो स्थापना कालदेखि विभिन्न रचनात्मक कार्य गर्दै आइरहेको उक्त संस्थाले जापानमा रहेका नेपाली विद्यार्थीलाई जापानी भाषाप्रति उत्साहित गराई राख्न र भाषागत ज्ञानमा थप टेवा पुर्याउन कार्यक्रम फलदायी हुने विश्वास लिएको छ।
संस्थाले मोना केन्द्र सहित क्षेत्रीय कार्यसमिति,गैर आवसीय नेपाली संघ जापान सँगै १२वटै क्षेत्र तथा Nepalese student association japan(Nesaj) लाई प्रचार प्रसारमा आवश्यक सहयोगका लागि अनुरोध गरिएको समेत जनाएको छ।
कार्यक्रम नागोयामा हुने र नागोया भन्दा बाहिरबाट सहभागीता जनाउने सहभागीहरुलाई यातायात खर्च बापत आयोजकले २०,००० येन उपलब्ध गराउने संयोजक थापाले बताउनु भयो ।
