फुकुओका
मार्च ३१
नेपाली राजदुताबास टोकियोको आयोजना र गैर आवासीय नेपाली संघ जापान, अवैतनीक वाणीज्य दुतावास फुकुओका तथा एनआरएनए, जापान क्षेत्रीय कार्यसमिति क्युस्यु, फुकुओका नेपाल सोसाइटी लगायत क्युस्युका अन्य संघ संस्थाको सहकार्यमा जापानको विभीन्न क्षेत्रमा गर्दै आइरहेको घुम्ती सेवा कार्यक्रम जापानको फुकुओकामा २०२५ मार्च २८,२९ र ३० तारिक गरि ३ दिन सम्म चलेको थियो । विगत ३ वर्ष देखी लगातार चलिरहेको घुम्ती सेवामा यस वर्ष सोचे भन्दा बढी सेवाग्राहीले सेवा लिनु भएको थियो ।
फुकुओकामा पहिलो दिन २०६ वटा राहदानी सेवा सहित २३५ जना, दोस्रो दिन ४१० वटा राहदानी सेवा सहित ४६२ जना र तेस्रो दिन ३७७ वटा राहदानी सेवा सहित ४१९ जना गरी ३ दिनमा जम्मा १,११६ जनाले सेवा लिनु भएको थियो जस मध्ये सबै भन्दा बढी राहदानी नवीकरणमा ९९३ जना र बाकी अन्यले विभीन्न सेवा तथा परामर्श लिनु भएको थियो साथै ३ दिन सम्म चलेको उत्त घुम्तीसेवाबाट राहदानी र अन्य सेवाबाट करीब २ करोड भन्दा बढी राजश्व संकलन भएको जानकारी नेपाली राजदुताबास टोकियोका उपनियोग प्रमुख हरीहर कान्त पौडेलले दिनुभयो । ११०० जना नेपालीहरुलाई फुकुओकाबाट सेवा दिदै गर्दा राहदानीका लागी दुतावासमा जाँदा लाग्ने यातायात खर्च बापत करीब १० करोड येन भन्दा बढी बचत भएको र आगामी वर्ष पनि दुतावाससँगको सहकार्यमा कार्यक्रमलाई निरन्तरता दिनका लागी पहल गरीने एनआरएनए जापानका उपाध्यक्ष देवराज उप्रेतिले बताउनु भयो ।
जापानमा रहेका नेपालीहरु मध्ये धेरै जनाको बसोबास रहेको क्युस्यु क्षेत्रमा गरीएको घुम्ती सेवाबाट धेरै जना लाभान्वीत भै नेपाली राजदुतावास टोकियो, अवैतनिक वाणीज्य दुतावास फुकुओका र अन्य संघ संस्था प्रती नेपाली समुदायमा राम्रो सुचना प्रवाह भएको र सेवाग्राहीहरु सन्तुष्ट रहनु भएको वाणीज्य दुतावास फुकुओकाका सचिब दिपक देवकोटाले जानकारी दिनुभयो ।
क्युस्युमा बसोबास गर्ने नेपालीहरुका लागी विभीन्न समयमा परिस्थीति अनुसार कार्यक्रमहरु गर्दै आइरहेको र आगामी दिनमा पनि निरन्तरता दिदै अगाडी बढने योजना रहेको एनआरएनए क्युस्यु संयोजक भिम बहादुर गुरुङ्गले बताउनु भयो ।
