आइतबार, कात्तिक २२, २०८३ · 2026年11月8日(日)

FN News – फुकुओका नेपाल न्यूज

समाचारको माध्यमले नेपाल जापान जोड्ने प्रयास

विज्ञापनDream Wave

मोना नागोयाको स्पीच कन्टेस्टमा विसाल सुन्दास प्रथम

मे १२
नागोया
म्याग्दी प्रवासी नेपाली संघ (मोना) जापान क्षेत्रीय समिति नागोयाले मोना नागोया खुल्ला ‘Speech Contest २०२५’ भव्यताका साथ २०२५ मे ११ तारीकका दिन नागोयामा सम्पन्न भएको छ । जापानमा रहेका नेपाली विद्यार्थीहरूलाई रचनात्मक क्रियाकलापमा सहभागी गराउँदै वीरगन्ज कृषि औजार कारखानाको सहयोगार्थ उक्त कार्यक्रम गरीएको मोना नागोया संयोजक सागर थापा बगालेले जानकारी दिनु भयो ।
स्माइल मोबाइल रेमिटान्स मुख्य प्रायोजक रहेको उक्त स्पिच कन्टेस्ट अर्थात् वक्तित्वकला प्रतियोगितामा सहभागी हुनका लागि खुल्ला छनोट प्रक्रिया पुरा गरि शीर्ष ५ मा परेका प्रतियोगीहरुलाई एक औपचारिक कार्यक्रममार्फत प्रतिश्पर्धा गराई पुरस्कार वितरण गरीएको थियो ।
उक्त प्रतिस्पर्धामा सान्तवना पुरस्कार सरिता श्रेष्ठ र पुष्पा लामा, तृतिय भीष्म तीवारी, दीप्तीय श्री श्रेष्ठ र प्रथम बिसाल सुन्दास हुनु भएको थियो । प्रतिस्पर्धामा प्रथम, दिप्तीय र तृतिय हुने सहभागीले क्रमशः १० मान येन, ७ मान येन र ५ मान येनका साथसाथै सहभागी सबैलाई मायाको चिनो र प्रमाण पत्रले सम्मान गरीएको थियो ।


उक्त औपचारीक कार्यक्रम मोना नागोयाका संयोजक सागर थापा बगालेको अध्यक्षता, मोना अन्तराष्ट्रिय कार्यकारी समिति उपाध्यक्ष दिपक कार्कीको प्रमुख आतिथ्यता, मोना नागोया सचिब सागर भण्डारीको स्वागत मन्तव्य र मोना जापान महासचिब सागर कार्कीको संचालनमा सम्पन्न भएको थियो ।
उक्त कार्यक्रममा महावीर पुनको जीवनीमा आधारीत पुस्तक आयोजकको तर्फबाट खरीद गरी सहभागीहरुलाई वितरण गरीएको थियो । साथै जिल्लामा खेलकुदमा सक्रिय रही हाल जापानको नागोयामा रहनु भएका क्रिकेट खेलाडी जस्मीन थापालाई मोना नागोयाको तर्फबाट सम्मान गरीएको थियो ।
उक्त कार्यक्रम समापनमा बोल्दै मोना नागोया संयोजकले सम्पुर्ण सहभागीहरुलाई आगामी दिनमा पनि निरन्तरताको शुभकामना सहित यस महत्वपुर्ण कार्यक्रमलाई सम्पन्न गर्न सहयोग गर्नुहुने सम्पुर्णलाई धन्यवाद ज्ञापन गर्नुभयो ।

सम्बन्धित समाचार