Home » समाचार » चुनाव जितेपछि सिरानचोकका जनताले विकासको नयाँ लहर पाउछन् नारायणकाजीको भनाई

चुनाव जितेपछि सिरानचोकका जनताले विकासको नयाँ लहर पाउछन् नारायणकाजीको भनाई

 गोरखा, १७ कात्तिक। गृह गाउँपालिका गोरखाको सिरानचोक पुगनुभएको नेता नारायणकाजी श्रेष्ठले स्थानीय बासिन्दासँग हात मिलाउँदै प्रश्न सोदनुभो  ‘दाइ आराम हुनुहुन्छ ? घरतिरको खबर के छ ?’  कसैलाई काकाकाकी त कसैलाई दाइभाइको साइनोले सम्बोधन गर्दै उहाँ अंकमाल गर्दै हुनुहुन्थ्यो । आसन्न निर्वाचनमा गोरखा २ को प्रतिनिधिसभा सदस्यमा बाबुराम भट्टराईको प्रतिद्वन्द्वीका रुपमा चुनावी मैदानमा उत्रिनुभएको श्रेष्ठ घरदैलो अभियानअन्तर्गत् सिरानचोकको अर्कुल पुगनुभएको थियो । कार्यकर्तासहित दिउँसो दुई बजेतिर अर्कुल पुगनुभएको श्रेष्ठको गाडी रोकिएसँगै पञ्चैबाजा बज्न सुरु भयो । बाजासहित स्थानीयवासी स्वागतका लागि अगाडि सरे ।

आफ्नै ठाउँ भएर श्रेष्ठले प्रायः सबैलाई चिन्नुभयो । उहाँले त्यहाँ आफ्नो निर्वाचन सम्पर्क कार्यालय उद्घाटन गरनुभयो । र, मतदातालाई सम्बोधन गर्दै भोट मागनुभयो। उहाँ भन्दै हुनुहुन्थ्यो, ‘तपाईंहरु बहुमतको सरकारसँगै राजनीतिक स्थिरता र विकास चाहनुहुन्छ कि हुँदैन ? चाहनुहुन्छ भने वाम गठबन्धनलाई जिताउनुपर्छ, वाम गठबन्धनबाट मात्र त्यो सम्भव छ । सम्बोधनका क्रममा उहाँ आफ्ना प्रतिद्वन्द्वी डा. भट्टराईलाई इंगित गर्दै भन्दैहुनुहुन्थ्यो ‘नयाँशक्ति नामको पुरानो विचार भएका व्यक्तिलाई जिताएर केही फाइदा छैन ।

‘दुई दिनअघि कांग्रेसलाई जरैदेखि उखेलेर फाल्नुपर्छ भन्ने, अहिले त्यही काग्रेससँग मिल्ने, यस्ता मान्छेलाई कसरी विश्वास गर्नुहुन्छ,’ उहाँ भन्दै हुनुहुन्थ्यो ।  बाबुराम  भटराई  सग त्यस्तो केही तिक्तता छैन । उहाँ जुन ढंगले चुनावमा आउनुभयो, त्यो उहाँको अधिकार हो । त्यसलाई हामी सम्मान गर्छाै । सम्बन्ध चिसिनुपर्ने कुनै कारण छैन । तर, उहाँ संसदमा जाने बाटो आफैंले बन्द गर्नुभयो, त्यसमा दुःख लागेको छ ।

जित त अब सुनिश्चित नै छ । यो मैले होइन, जनताले भनिराखेको कुरा हो । पहिलो कुरा त हाम्रो विचार र नीति एकदमै प्रष्ट छ । राष्ट्रिय स्वाधीनताको रक्षा, संविधानको कार्यान्वयन र विकास, शान्तिपूर्ण प्रतिस्पर्धाको बाटोबाट समृद्धि हासिल गर्ने, सामाजिक न्याय हासिल गर्ने हाम्रो स्पष्ट राजनीतिक लाइन छ । लाइन मात्रै भएर हुँदैन, यसको कार्यान्वयन गर्ने हैसियत हामीसँग मात्रै छ, नारायणकाजी ले बताउनुभयो।अब वाम गठबन्धनको एकल बहुमतको सरकार बन्छ । संगठनको हिसाबले गोरखामा हामो संगठन यसै बलियो हो अर्काे अहिले गठबन्धनले झन् हामी बलियो भएका छौं । हाम्रो मनोबल बलियो छ ।

कांग्रेसका जेलनेल भोगेका, दुःख पाएका साथीहरु पनि अस्थिर प्रवृत्तिको पक्षमा देखिनुहुन्न । यस कारणले उहाँहरुको पनि समर्थन मलाई आउँछ । अनि, मेरो अहिलेसम्मको व्यक्तित्वको पहिचान पनि जितको बलियो आधार हो । मैले राष्ट्रघाती मुद्दामा कुनै सम्झौता गरिनँ, बाबुराम प्रधानमन्त्री हुँदा उहासँग पनि गरिनँ, यो गोरखाका बासिन्दाले बुझेका छन् । म एउटा आदर्श विचार र सिद्धान्तमा अडिक रहने मान्छे हुँ भनेर सबैले बुझेका छन् । वामपन्थी एकताका लागि मैले गरेको प्रयास पनि बुझेका छन् । यस्ता कारणहरु छन्, जसले गर्दा मेरो विजयलाई कसैले पन्छाउन सक्दैन । चुनाव जितेपछि गोरखालीले नारायणकाजीबाट  पहिलो कुरा त सिंगो देशले राष्ट्रिय स्वाधीनताको रक्षा र विकास पाउँछ । त्यसकारण यो देशको जनताले पाउने विकास यहाँका जनताले पनि पाउँछन् । दोस्रोचाहीँ गोरखा २ का मतदाताले विकासको नयाँ लहरको अनुभूति गर्न पाउनेछन् । नारायणकाजीले बताउनुभयो।

 

Namecheap.com

Leave a Reply

Your email address will not be published. Required fields are marked *

*

x

Check Also

विवाह जीवनका लागि एउटा काँडा हो:अन्जु पन्त

काठमाडौँ,२ मंसिर । ६ हजार बढी गीतमा स्वर दिएकी अन्जु पन्तलाई लाग्छ ७० प्रतिशत गीतमा ...